Dövlətə xəyanətdə ittiham olunan QMİ-nin sabiq sektor müdirinin məhkəməsi təxirə düşüb

Bakı Ağır Cinayətlər Məhkəməsində ilahiyyatçı, Qafqaz Müsəlmanları İdarəsinin sektor müdiri işləmiş Elşən Mustafaoğlunun bu günə təyin olunan məhkəmə prosesi təxirə salınıb.
Hakim Səbuhi Hüseynovun sədrliyi ilə keçirilməli olan prosesin təxirə düşməsinə səbəb vəkil Əfqan Məmmədovun səhhəti ilə əlaqədar prosesə qatılmaması olub.
Buna görə proses qeyri-müəyyən vaxtadək təxirə salınıb.
Bu gün prosesdə hökm elan olunmalı idi.
Qeyd edək ki, E. Mustafaoğlu 2014-cü ildə həbs olunub. O, Cinayət Məcəlləsinin 274-cü (dövlətə xəyanət) maddəsinə əsasən təqsirləndirilir.