Dünyanı şoka salan MESSİ İDDİASI

Futbol dünyası Kriştiano Ronaldonun "Real"dan ayrılmaq istəmsi ilə bağlı yayılan xəbərləri şokundan ayılmamış Lionel Messi ilə bağlı iddialar yayılıb. Argentinalı ulduzun "Barselona"dan ayrılmaq istədiyi bildirilir.
Məlumatı "Barselona"ya yaxınlığı ilə tanınan "El Mundo Deportivo" qəzeti yayıb. Qəzet iddia edir ki, Messi 2016-cı ildə Kataloniya klubundan ayrılaraq Pep Qvardiolanın başçılıq etdiyi "Mançester Siti"yə getmək istəyib.
"El Mundo Deportivo" yazır ki, Amerika Kubokunun finalında Çiliyə uduzduqdan sonra Argentina millisindəki çıxışını başa vurduğunu açıqlayan Messi eyni günlərdə "Barselona"dan ayrılmaq istəyini də klub rəhbərliyinə bildirib. Lakin onu yola gətirmək mümkün olub. Messini fikrini dəyişməyə komanda yoldaşı Luis Suares razı salıb. Uruqvaylı ulduz komanda yoldaşını sakitləşdirib və qərarını dəyişməsinə nail olub.