“Mançester Siti” “Arsenal”ın rekordunu qırdı

​“Mançester Siti” klubu İngiltərə Premyer Liqasında ardıcıl 15 qələbə qazanan ilk klub olub.
APA-nın məlumatına görə, ötən axşam “Mançester Siti” 17-ci tur çərçivəsində rəqib meydanında “Suonsi”ni 4:0 hesabı ilə darmadağın edib.
Beləliklə, Xosep Qvardiolanın yetirmələri London “Arsenal”nın rekordunu qırıblar. Qeyd edək ki, “Arsenal” 14 ardıcıl qələbəni iki mövsüm ərzində (2001/02 - 2002/03) rəsmiləşdirib.
Hazırda 17 matçdan sonra 49 xal toplayan “Mançester Siti” ən yaxın rəqibini 11 xal qabaqlayaraq turnir cədvəlinə başçılıq edir.