"Bu, hər bir futbolçunun arzusudur" - Qurban Qurbanov

"Çətin oyun oldu. Bilirdik ki, "Sumqayıt” oyuna ciddi hazırlaşacaq"
Bu sözləri ardıcıl beşinci dəfə ölkə çempionu olan "Qarabağ"ın baş məşqçisi Qurban Qurbanov "Sumqayıt"la oyundan sonra mətbuat konfransında deyib.
"Öncə futbolçularımı, azarkeşlərimizi ardıcıl 5-ci dəfə çempion olmaq münasibətilə təbrik edirəm. Bu, hər bir futbolçunun, hər klubun arzusudur. Çətin oyun oldu. Bilirdik ki, "Sumqayıt” bu oyuna ciddi hazırlaşacaq. Oyunçularımda həyəcan var idi, amma bu da normal haldır"- Qurbanov bildirib.
Qeyd edək ki, bu gün Topaz Premyer Liqasında XXIV tura yekun vurulub. "Qarabağ” klubu futbol üzrə Azərbaycan Premyer Liqasında vaxtından əvvəl çempionluğunu rəsmiləşdirib. Ağdam təmsilçisi buna XXIV turda "Sumqayıt"ı 1:0 hesabı ilə məğlub etməklə nail olub.