FIFA türk azarkeşlərin 1 dəqiqəlik sükutu fitə basmasına reaksiya verəcək

İstanbulda keçirilən Türkiyə - Yunanıstan yoldaşlıq oyununda Parisdə terror aktlarının qurbanlarının 1 dəqiqəlik sükutla yad edilməsinin yerli azarkeşlər tərəfindən fitə basılması FIFA-nın diqqətindən kənarda qalmayacaq.
Bunu Rusiya Futbol Federasiyasının prezidenti və FIFA-nın İcraiyyə Komitəsinin üzvü Vitali Mutko Dövlət Dumasında "hökumət saatı" zamanı deyib.
Onun sözlərinə görə, stadionlarda irqçilik, ekstremizm, zorakılıq dünya səviyyəli problemdir: "Aydındır ki, bu matç FIFA-nın diqqətindən yayınmayacaq".