“Sərhədçi” Prezident Kubokunu qazandı

Binə Atçılıq Mərkəzinin örtülü manejində milli çövkən oyunu üzrə Prezident Kubokunun X yarışının qalibləri müəyyən edilib.
Final turnirində əvvəlcə üçüncü yer uğrunda mübarizə aparan “Ağstafa” və “Polad” komandaları qarşılaşıblar. “Polad” komandası birinci taymda yeganə qolu vurmaqla rəqibinə qalib gəlib.
Finalda “Sərhədçi” və “Ağcabədi” komandaları yarışıblar. Oyun “Sərhədçi”nin xeyrinə 7:00 (birinci taymda 4, ikinci taymda 3 qol vurulub) hesabı ilə başa çatıb.
Sonra mükafatlandırma mərasimi keçirilib. Bütün iştirakçılara fəxri diplomlar, medallar və pul mükafatları verilib. “Sərhədçi” komandası turnirin əsas mükafatı olan Prezident Kubokuna sahib olub.