"Liverpul" son anda diz çökdü

Avropa Liqasında yarımfinal mərhələsinin ilk oyunları keçirilib. Çempionlar Liqasından fərqli olaraq bu turnirdə yarımfinalın hər iki oyunu eyni gündə baş utub. Görüşlər Ukrayna və İspaniyada keçirilib.
İspaniyanın "Vilyarreal" klubu doğma azarkeşlər önündə “Liverpul”u qəbul edib. Oyunun son dəqiqələrinə kimi hesab açılmayıb. Lakin ispanların 92-ci dəqiqədə möhtəşəm əks hücumu Yurqen Klopun rəhbərlik etiyi komanda diz çöküb. Nəticədə oyun ispanların 1:0 hesablı qələbəsi ilə başa çatıb. Digər qarşılaşma Lvov şəhərində keçirilib. "Şaxtyor" turnirin son qalibi “Sevilya”nı qəbul edib. Qarşıdurma qollu heç-heçə ilə bitib. Ev sahibi son dəqiqələrdə qələbəni əldən verib.
"Vilyarreal" (İspaniya) - "Liverpul" (İngiltərə) - 1:0
Qol: Adrian, 90+2
"Şaxtyor" (Donetsk, Ukrayna) - "Sevilya" (İspaniya) - 2:2
Qollar: Marlos, 23, Taras Stepanenko, 38 - Viktor Vitolo, 6, Kevin Qameyro, 81-pen
"Vilyarreal" "Liverpul" qarşıdurması "Vilyarreal" "Liverpul" qarşıdurması
Avropa liqasının son qalibi “Sevilya”dır. İspanlar bu mövsümdə də kuboku başı üzərinə qaldıracağı təqdirdə Avropa Liqasında qızıl het-trik edəcək. Əvvəlki iki mövsümdə (2013/2014 və 2014/2015) “Sevilya” Avroliqanın ən güclüsü adını qazanıb. Komandaların cavab görüşləri mayın 5-də keçiriləcək.