Firdovsi Fərzəliyev: "Bu hissi sözlə ifadə etmək çox çətindi"

“Mən komandamıza ilk qızıl medalı qazandırdığıma görə çox xoşbəxtəm. Bu hissi sözlə ifadə etmək çox çətindi”. Bu sözləri apasport.az saytına karate üzrə yığma komandamızın üzvü Firdovsi Fərzəliyev deyib.
Fərzəliyev Azərbaycan millisinin heyətində Bakı-2015 I Avropa Oyunlarında ilk qızıl medalı qazanan idmançı olub.
60 kq çəkidə rəqib tanımayan karateçi bildirib ki, uğurunun təməlində yorulmadan etdiyi məşqlər və özünəinam dayanır: “Başda Rəhman müəllim olmaqla bütün müəllimlərinə təşəkkür edirəm. Bu qızıl medal 6 ay yorulmadan etdiyimiz məşqlərin nəticəsidi”.