Azərbaycan boksçusu Sofiyada gümüş medal qazanıb

Bolqarıstanın paytaxtı Sofiyada keçirilən boks üzrə “Strandja” turnirinə yekun vurulub. Azərbaycan millisinin heyətində Anna Əlimərdanova çıxışını gümüş medalla bitirib.
54 kq çəki dərəcəsində mübarizə aparan təmsilçimiz finalda bolqarıstanlı Stanimira Petrovaya 2:3 (28:29, 27:30, 27:30, 29:28, 30:27) hesabı ilə uduzub.
Qeyd edək ki, “Strandja” turnirinə Əlimərdanova ilə yanaşı 9 kişi boksçumuz qatılsa da, onlar medal qazana bilməyiblər.