Aydın Əliyev: Azərbaycan Rusiyaya ixrac olunan kənd təsərrüfatı məhsullarının mənşəyinə cavabdehdir

Azərbaycan Rusiyaya ixrac olunan kənd təsərrüfatı məhsullarının mənşəyinə və keyfiyyətinə cavabdehdir.
Bunu Dövlət Gömrük Komitəsinin sədri Aydın Əliyev deyib.
Meyvə-tərəvəz məhsullarının Azərbaycan ərazisindən Rusiya ərazisinə daşınması məsələsi barədə danışan A.Əliyev qeyd edib ki, Azərbaycana gələn Rusiya nümayəndə heyəti ixrac olunan məhsulların keyfiyyəti barədə əmin ola bilərlər:
“Danışıqlardan sonra Rusiya nümayəndə heyəti müxtəlif təsərrüfatlarla tanış ola bilər. Qonaqlarımız özləri əmin ola bilərlər ki, biz kənd təsərrüfatı məhsullarının mənşəyinə və keyfiyyətinə cavabdehik”.