Kərpicdən maşın satılır

Türkiyədə memar Mehmet Göktuğ Türkoğlu aldığı Anadol markalı maşının kənarını qırmızı kərpiclə hörüb.
Türkiyə mətbuatı xəbər verir ki, "Tuğladol" adlandırdığı maşını 17 min dollardan aşağı qiymətə satmayacağını bildirən memar daha əvvəl 13 min təklif olunduğunu deyib: “Bu maşın dünyada təkdir və hazırlanması üçün çox əziyyət çəkilib. Mən deyərdim ki,17 min hələ aşağı məbləğdir. Üzlük 200 kilodur və maşın saatda 120 kilometr sürətlə hərəkət edə bilir”.
"Tuğladola" vətəndaşların marağı da az olmayıb. Belə ki, onu görənlər maşından çox sobaya oxşadığını, kolleksiya üçün almaq istədiklərini bildirib.