Bu gəlinliklər kağızdandır

Hər bir qızın xüsusi olaraq hazırlaşdığı gün məhz gəlin olacağı tarixdir.
Toyunda gözəl və fərqli görünmək hər bir xanımın arzusudur. Bu fərqlilik isə daha çox gəlinlik libaslarının seçimində özünü göstərir. Dünyanın müxtəlif ölkələrindən olan dizaynerlər gəlin olmağa hazırlaşan qızlar üçün qeyri-adi libaslar hazırlayıblar.
Bu gəlinlik geyimlərinin özəlliyi ondan ibarətdir ki, onlar parçadan yox, tualet kağızlarından tikilib. Adi gəlinliklərdən fərqlənməyən libaslar materialına görə olmasa da, görünüşünə görə hətta onları geridə də qoyur.