"Selfie" çəkdiyi üçün həbs olundu

Nyu Yorkdakı “Brooklyn” körpüsünün üstünə çıxıb “selfie” çəkən turist evində həbs olunub.
Tennessee əyalətində yaşayan 21 yaşlı mühəndis tələbə Devid Karnauç keçən ay çıxdığı Nyu York gəzintisi zamanı böyük səhvə yol verib. Gənc oğlan gəzinti zamanı qadağan olunmasına baxmayaraq körpünün təpəsinə çıxaraq şəkil çəkdirib.
Foto-şəkli “İnstagram” səhifəsində yerləşdirən Karnauçun paylaşımı başına bəla olub. Belə ki, paylaşdığı şəklin izinə düşən məsul şəxslər gənc oğlanı evindəcə yaxalayıblar.
Karnauç tutduğu bu əməlin kəfalətini ödəyə bilmədiyi üçün avqustun 31-i baş tutacaq məhkəməyə qədər tutuqlu vəziyyətdə həbsxanada saxlanılacaq.