Nizami Kino Mərkəzində filmlər Azərbaycan dilində subtitrlərlə göstəriləcək

Nizami Kino Mərkəzi daha bir yeniliyə imza atıb. Nizami Kino Mərkəzi Mədəniyyət və Turizm Nazirliyinin göstərişinə əsaslanaraq "AF.Media - Azərbaycan" şirkəti ilə birgə ilkin olaraq Türkiyə filmlərinin Azərbaycan dilində subtitrlərlə nümayişinə başlayıb.
Bundan sonra adıçəkilən şirkət təqdim etdiyi bütün filmləri azərbaycan dilində subtitrlərlə olacaq. Bu yenilik digər ölkələrin distribüterləri ilə planlaşdırılan danışıqlardan sonra kinoprokata daxil olan Amerika, Avropa və Rusiya filmlərində də əksini tapacaq.
Həmçinin yeni mövsümdə Kino Mərkəzində rəsmi tədbirlərlə yanaşı, beynəlxalq film festivallarının, kino həftələrinin, film təqdimatları və qala gecələrinin, Yeni il və Novruz bayramı şənliklərinin və artıq ənənəyə çevrilmiş xeyriyyə aksiyalarının keçirilməsi planlaşdırılıb.