IV Bakı Beynəlxalq Kitab Sərgi-Yarmarkasının açılışı olub

Azərbaycanda IV Bakı Beynəlxalq Kitab Sərgi-Yarmarkasının açılış mərasimi keçirilib.
Açılışda iştirak edən mədəniyyət və turizm naziri Əbülfəs Qarayev bildirib ki, Kitab Sərgi-Yarmarkasının keçirilməsi artıq ənənə halını alır: "Bu tədbirə hər il maraq daha da artır".
Nazirin sözlərinə görə, əvvəllər Kitab Sərgi-Yarmarkasına 30 nəşriyyat qatılırdı: "Bu il isə dünyanın 30-a yaxın ölkəsinin 120-yə yaxın nəşriyyatı iştirak edir. Sərgi-yarmarkada Türkiyə, Rusiya, Özbəkistan, İran, Misir, Nigeriya, Bosniya və Herseqovina, Almaniya, Albaniya, Slovakiya, Serbiya, Moldova, Ukrayna, Belarus, Estoniya və Yunanıstandan nəşriyyat və poliqrafiya müəssisələri və digər müvafiq qurumlar iştirak edir".