Koxlear implantasiya əməliyyatlarına hazırlıq məktəbi fəaliyyətə başlayır

Səhiyyə Nazirliyi “Koxlear implantasiya əməliyyatları aparılmasına ehtiyacı olan uşaqların qeydiyyatının aparılması, seçilməsi, müayinə və müalicəsi üzrə Komissiya”ya müraciət edən ailələrin, əməliyyat və ondan sonrakı dövrdə reabilitasiya məsələləri ilə bağlı məlumatlandırılması üçün xüsusi məktəb təşkil edib.
Nazirliyin mətbuat xidmətindən verilən məlumata görə, Tibb Universitetinin Tədris-Cərrahiyyə Klinikasında keçirilən ilk dərslərdə tibb üzrə fəlsəfə doktoru A. Abbasova komissiyaya müraciət edən ailələrə uşaqların ağıreşitmə problemləri, onun həlli yolları, koxlear implantasiya əməliyyatı və əməliyyatdan sonrakı dövrdə reabilitasiya məsələləri ilə əlaqədar mühazirələr oxuyacaq və praktik təlimlər keçiriləcəyi barədə məlumat verəcək.