Sloveniyada Mehdi Hüseynzadənin 100 illik yubileyi qeyd ediləcək

Sloveniyada Mehdi Hüseynzadənin 100 illik yubileyinə həsr olunmuş tədbirlər keçiriləcək.
Nova Qoritsa şəhərində keçiriləcək tədbirlərdə Azərbaycan xalqının qəhrəman oğlu Mehdi Hüseynzadənin həyatı və fəaliyyəti barədə məlumat veriləcək, onun İkinci Dünya müharibəsi dövründə faşizmə qarşı apardığı mübarizədə nümayiş etdirdiyi hərbi şücaətləri barədə xatirələr səsləndiriləcək.
Tədbirlərdə iştirak etmək üçün Milli Məclisin deputatı Rauf Əliyev dekabrın 14-ə qədər Sloveniyada səfərdə olacaq.