“ATƏT-in müşahidəçi göndərməməsi bəzi ölkələrlə münasibətləri pisləşdirə bilər"

“ATƏT Demokratik Təsisatlar və İnsan Haqları Bürosunun bir sıra ölkələrlə münasibətləri pisləşə bilər. Buna səbəb qurumun Azərbaycana müşahidəçi göndərməkdən imtina etməsidir”.
Bu sözləri Rusiya Mərkəzi Seçki Komissiyasının sədri Vladimir Çurov deyib.
O bildirib ki, müvafiq qərar büronun bir sıra ölkələrlə münasibətlərinə ciddi təsir edəcək.
Qeyd edək ki, ATƏT DTİHB Azərbaycanda seçkiləri müşahidə etməyəcəyini bəyan edib.