Sərdar Ortaç Manafın mahnısını paylaşdı: “Çoxları ağız büzür”

Türkiyənin tanınmış müğənnisi Sərdar Ortaç “İnstagram” səhifəsində müğənni Manaf Ağayevin “Ana” adlı ifasını paylaşıb.
İfaçının bu jestinə M.Ağayev də biganə qalmayıb. O sosial şəbəkədəki səhifəsində türkiyəli müğənniyə bu cür cavab verib: “Bir çoxları bizim oxuduğumuz Azərbaycan musiqilərinə ağız büzür. Amma Türkiyənin tanınmış müğənniləri bizim mahnıları sevərək oxuyub, paylaşırlar. Bu nə ilk, nə də sondu. Sərdar Ortaçın paylaşımı da xoş oldu. Yaşasın Azərbaycan musiqisi”.
Qeyd edək ki, S.Ortaç M.Ağayevlə yanaşı əməkdar artist Baloğlan Əşrəfovun ifasını da öz səhifəsinə yükləyib.