Samira 40 yaşında: "Kaş tanımazdım..."

Bu gün müğənni Samira Allahverdinin ad günüdür. Sənətçinin 40 yaşı tamam olur.
Samira təəssüratlarını bölüşərək bunları bildirib: “Əslində, nə yazacağımı bilmirəm. Amma onu deyə bilərəm ki, bu son illərdə çox şey itirməklə böyük bir dərs aldım. Ən əsası, insanları tanıdım, həyatı dərk etdim. Kaş ki tanımayıb, dərk etməzdim. Çünki elə yaşamaq daha asan idi. Bundan sonrakı gələcək həyatımda daim irəli, ən əsası daha inamla addımlamaq niyyətindəyəm. İstəsək də, istəməsək də bu həyat bir mübarizədir. Allahımdan sağlam həyat və balalarımın xoşbəxtliyini görməyi qismət etməsini, günahlarımın bağışlanmasını istəyirəm. Bu illərdə nəyi əldə etdim, nəyi etmədimsə hamısına şükür. 40 yaşın mübarək, Samira”.