Tanınmış müğənni "Maşın şou"dan uzaqlaşdırıldı: "Sən kişi deyilsən"

ATV kanalında yayımlanan "Maşın şou"sunun növbəti buraxılışı geridə qalıb. Lent.az-ın məlumatına görə, 9 qadın və 9 kişinin yarışdığı yarışda səs verməyə əməkdar artist Mehriban Xanlarova çıxıb. Aktrisa bildirib ki, yarışın ilk günündə səs verməyə çıxmağa məcbur olub: “Biz burda 9 qadın və 9 kişiyik. Dünən bütün kişilərə dedim ki, ilk oyun günündə 1 kişi səs verməyə çıxsın. Heç birindən səs çıxmadı. Amma mən dedim ki, mənim şəklimi atın, özüm çıxaram. Amma bundan sonra burda 9 kişi yox, 10 kişi olacağıq. Mən qadın deyiləm, kişiyəm”.
M.Xanlarovanın bu sözlərinə müğənni “Pişik” Günel etiraz edib: “Mehriban xanım, sizin fikrinizlə razı deyiləm. Siz kişi deyilsiz, gözəl qadınsız. Mən bu gün sizə dəstəyəm”.
Sonda 52, 72 faiz səs toplayan M.Xanlarova müğənni Vüqar Muradovu yarışdan uzaqlaşdırıb. Aktrisa V.Muradovu niyə oyundan uzaqlaşdırıdığını isə belə izah edib: “Mən oyundan qabaq plan qurmuşdum ki, Talıb Talehi oyundan uzaqlaşdırım. Amma Vüqar ağzında söz saxlaya bilmədi. Ona görə də mən onu oyundan uzaqlaşdırıram”.
V.Muradov isə sonda bu sözləri deyib: “Murad bəy, məni sayıb buraya dəvət etdiyiniz üçün çox sağ olun. Burada böyük ordu var, hər şey qüsursuzdu, gözəldi. Mehriban xanıma da, digər iştiriakçılara da uğurlar arzulayıram. Amma elə başdan hədəf mən idim, sona qədər də mən oldum. Mən artistliyi bacarmamışam, bacarmayacam da. Kimlər daha yaxşı bacardı, onlara uğurlar arzulayıram. Mən bu həyatda 10 yaşımdan hər şeyi cırmaqlaya-cırmaqlaya, əziyyətlə əldə etmişəm. "Hazıra nazir" olmaq mənə qismət deyil, gəlim yeyim. Mən ömrüm boyu əziyyət çəkmişəm, elə də yaşayacam".