Cavanşir Məmmədov toydan çıxanda DÖYÜLÜB

Əməkdar artistlər Cavanşir Məmmədov və Firuzə İbadovanın toyda başına iş gəlib.
Heqiqet.az-ın unikal.org-a istinadən məlumatına görə, Cavanşir Məmmədovun toydan çıxan zaman döyüldüyü iddia olunub.
Cavanşir Məmmədov məsələ ilə bağlı açıqlama verib. Müğənni restoranda arxadan vurulduğunu söyləyib:
““Movida Plaza”da bizim xalq artısti Firuzə İbadova ilə yarım saatlıq çıxışımız var idi. Biz axşam 21:30-da proqramda çıxış etdik. Çıxanda bir nəfər yoldaş bizə yaxınlaşdı ki, yarım saaat da qalıb çıxış etməlisiniz. Elə müğənnilər var ki, onları döyüb qovurlar. Yarım saat əlavə qalmaq üçün bizimlə mübahisə etdi. Mən də bildirdim ki, bizim başqa yerdə çıxışımız var. Gedib sonra qayıdarıq. Biz qapıdan çıxanda məni arxadan vurdu. Bununla bağlı toy sahibləri həmin şəxsi tənbeh etdilər. Bir neçə dəqiqə keçəndən sonra məlum odu ki, biz çıxandan sonra bu şəxs özünü bıçaqlayıb”.
Cavanşir Məmmədov onu da bildirib ki, onu vuran "Cəbo” ləqəbi ilə tanınan Cəmil adlı şəxsdir:
"Şəxsin adı Cəmildi, "Cəbo” ləqəbi ilə çağırırlar. Məni döyməyib arxadan vurub. Həmişə hörmətli kişiləri arxadan vururlar. Zərəçəkən şəxslər Cavanşir Məmmədov, Firuzə İbadovadırsa xəbəri yayan zaman bu şəxslərlə əlaqə saxlamaq lazım idi. Yalandan xəbər yaymaq düzgün deyil”.