"O qədər lazımsız müğənnilərlə duet oxumuşam ki..."

Gənc sənətçi Natavan Həbibi mərhum reper Hüseyn Dəryanın mahnılarından ibarət albomda yer alacaq.
İfaçı bu barədə Axşam.az-a açıqlamasında xəbər verib:
“Hüseyn Dərya sağlığında bir albom hazırlayırdı. O, işıq üzü görməyib. İndi həmin albomu yenidən hazırlayırıq. Burada mənim də ifam yer alacaq. Albomun təqdimatını təmtəraqlı edəcəyik. Bir insan dünyasını dəyişdikdən sonra onun diskinin işıq üzü görməsi böyük hadisədir. Sağlığında Hüseyn mənə dəfələrlə zəng edib, duet oxumaq istədiyini demişdi. Alınmadı. İstəmədiyimdən yox. O qədər lazımsız müğənnilərlə duet oxumuşam ki... Sadəcə hər dəfə bir işim çıxırdı, alınmırdı. Dərya dünyasını dəyişəndən bunun fikrini çəkirdim. Bir insana söz verdim, amma duet oxuya bilmədim. Düşünürdüm, vicdan əzabı çəkirəm. İndi əlimdən gələni edirəm ki, borcumdan çıxım”.