Məktəbəhazırlıq qruplarında məşğələlərin sayı azaldılıb

Nazirlər Kabineti “Məktəbə hazırlığın təşkili Qaydaları”nda dəyişiklik edilməsi haqqında qərar verib.
Qərara əsasən, Nazirlər Kabinetinin 2010-cu il 8 yanvar tarixli 4 nömrəli qərarı ilə təsdiq edilmiş “Məktəbə hazırlığın təşkili Qaydaları”nın 4-cü hissəsinin mətni aşağıdakı redaksiyada verilir:
“4.1. Uşaqların məktəbə hazırlığının səmərəliliyini artırmaq üçün təlim məşğələlərində müxtəlif formalı inkişafyönlü didaktik oyunların tətbiqi prioritet hesab olunur.
4.2. Məktəbəhazırlıq qruplarında həftə ərzində 12 məşğələ təşkil edilir. O cümlədən:
4.3. Məktəbəhazırlıq qruplarında bir məşğələnin müddəti 30 dəqiqə, məşğələlərarası fasilə 10 dəqiqə müəyyən edilir. Zehni gərginlik tələb edən məşğələlərdə, bir qayda olaraq, 3 idman dəqiqəsi keçirilir.”.
Qeyd edək ki, bundan əvvəl məktəbəhazırlıq qruplarında ana dili və bədii ədəbiyyat üzrə iş; savad təliminə hazırlıq və nitq inkişafı; ətraf aləmlə tanışlıq (təbiət və ictimai həyat hadisələrinə marağın tərbiyə edilməsi); Azərbaycan (rus) dili; sadə riyazi təsəvvürlərin inkişafı; təsviri sənət və kəsib yapışdırma; quraşdırma, gil işi; musiqi; fiziki mədəniyyət məşğələləri keçirilirdi.