Zəlimxan Yaqub Almaniyaya aparılır

Xalq şairi müalicəsini hələlik evdə davam etdiri.
Azərbaycanın xalq şairi, ictimai xadim, Milli Məclisin deputatı Zəlimxan Yaqub gələn ay müalicə üçün Almaniyaya gedəcək.
Bunun Zəlimxan Yaqubun özü deyib. Xalq şairi hal-hazırda müalicəsini evdə davam etdirir. "Mən artıq evə buraxılmışam və müalicəmi evdə davam etdirirəm. Oktyabrın 5-də isə Almaniyaya gedəcəm", - deyə Zəlimxan Yaqub bildirib.
Bir neçə gün əvvəl onun səhhətində problemlər yaranmışdı. Xalq şairi döş qəfəsində kəskin ağrıların olduğunu bildirmişdi. Bununla əlaqədar yaxınları onu Mərkəzi Klinik Xəstəxanaya aparıblar. Burada 4 günlük müalicədən sonra o, ötən evə buraxılıb.
Zəlimxan Yaqub 2012-ci ilin əvvəlində Almaniyada cərrahiyyə əməliyyatı keçirib. Əməliyyat zamanı xalq şairinin hər iki böyrəyi çıxarılıb. Müxtəlif ölkələrdə müalicə alan şairin müalicəsi dövlət tərəfindən maliyyələşdirilib.