Çində mədəndə qəza - 18 ölü

Çinin Hunyan əyalətində kömür mədənində baş verən qəza nəticəsində ölənlərin sayı 18 nəfərə çatıb.
APA-nın “Sinxua” agentliyinə istinadən verdiyi xəbərə görə, bundan əvvəl 3 nəfərin öldüyü bildirilirdi.
Qəza zamanı mədəndə ümumilikdə 55 fəhlə olub. Məlumata əsasən, 37 nəfər xilas edilib. İlkin məlumata görə, qəzaya qaz sızması səbəb olub.
Hadisənin səbəbləri araşdırılır.