Aqunq vulkanı yenidən püskürməyə başlayıb

İndoneziyanın Bali adasında fəaliyyətdə olan Aqunq vulkanı yenidən toz və tüstü püskürməyə başlayıb.
Şiddətli partlayışdan sonra meydana gələn vulkanik kül və tüstü təxminən 2500 metrə qədər yüksəyə qalxıb.
Aqunq vulkanında ötən ilin sentyabrından bəri davan edən aktivlik və güclü partlayış riski səbəbindən ərazinin yaxınlığında yaşayan təxminən 50 min nəfər təhlükəsiz yerlərə təxliyə olunub.
Ölkənin ən çox turist qəbul edən bölgəsi olan Bali adasındakı Aqunq vulkanı sonuncu dəfə 1963-cü ildə püskürmüş və nəticədə 1100-dək insan həyatını itirmişdi.