» » Azərbaycanla Tacikistan arasında əməkdaşlığın perspektivləri müzakirə olunub


Azərbaycanla Tacikistan arasında əməkdaşlığın perspektivləri müzakirə olunub

31-01-2018, 18:41
Çap et
Azərbaycanla Tacikistan arasında əməkdaşlığın perspektivləri müzakirə olunub Azərbaycanın Tacikistana yeni təyin olunmuş fövqəladə və səlahiyyətli səfiri Həsən Məmmədzadə bu ölkənin iqtisadi inkişaf və ticarət naziri Nemətulla Hikmətullazadə ilə görüşüb.
Bu barədə Azərbaycanın Tacikistandakı səfirliyindən məlumat verilib.
Məlumatda bildirilir ki, görüş zamanı ölkələr arasında iqtisadi münasibətlərin inkişafı, eyni zamanda, ikitərəfli əməkdaşlığın qarşılıqlı maraq doğuran müxtəlif sahələri ilə bağlı müzakirələr aparılıb.
Qeyd olunur ki, tərəflər həmçinin, investisiyaların cəlb olunması, müştərək müəssisələrin yaradılması, Düşənbə-Bakı birbaşa aviareysinin bərpası, turizm sahəsində əməkdaşlıqla bağlı fikir mübqadiləsi aparıb.
Görüşdə ölkələr arasında gələcəkdə çoxtərəfli əməkdaşlığın səmərəli inkişaf edəcəyi vurğulanıb.
Reytinq: