Kim Çen In Trampa sifariş göndərdi

Beynəlxalq müşahidəçilər Koreya Xalq Demokratik Respublikasında yerləşən nüvə obyektlərinə buraxılacaq
Şimali Koreya lideri Kim Çen In ABŞ prezidenti Donald Trampa sifariş göndərib. O, sentyabr ayında Cənubi Koreya Respublikasının prezidenti Mun Çje İnlə görüşü zamanı deyib ki, beynəlxalq müşahidəçiləri Koreya Xalq Demokratik Respublikasında yerləşən nüvə obyektlərinə buraxacaq. Kim Çen In cənublu həmkarından xahiş edib ki, bu informasiyanı Trampa çatdırsın.
Cənubi Koreya respublikasının prezidenti isə bu sifarişi noyabr ayında Ağ Evin sahibinə çatdırıb.
Mənbə bildirir ki, Kim Çen In Yonben nüvə tədqiqat mərkəzini bağlamağa hazır olduğunu dəfələrlə bəyan edib.
Xatırladaq ki, Şimali Koreya ərazisində 13 raket bazası aşkar edilib və bu bazaların varlığı haqda rəsmi Pxenyan ABŞ-a heç bir məlumat verməyib.