“Yuventus” və “Fiorentina” oyununu rekord sayda azarkeş izləyib

"Yuventus” və "Fiorentina”nın qadınlardan ibarət komandalarının oyununu stadionda rekord sayda azarkeş izləyib.
Ölkə çempionatı çərçivəsində Turinin "Alyans” stadionunda "Yuventus” və "Fiorentina”nın qadınlardan ibarət komandalarının qarşılaşmasına 40 min azarkeş baxıb.
Qeyd edək ki, turnir cədvəlində 1-ci və 2-ci yerləri bölüşdürən və bu görüşədək florensiyalıları 1 xal qabaqlayan "Yuventus” qarşılaşmadan 1-0 hesablı qələbə ilə ayrılaraq rəqibi ilə arasındakı xal fərqini 4-ə yüksəldib.