REAL sədri müxalifətçilərə QARŞI: "Vicdansız təbliğat apardınız"

REAL partiyasının sədri İlqar Məmmədov sosial şəbəkədə müxalifətçiləri tənqid edib. Lent.az-ın məlumatına görə, partiya sədri 8 aydır ona qarşı təbliğat aparıldığını vurğulayıb:
"Deyirdim sizə, gedək seçkiyə, görək insanları səslərin müdafiəsinə səfərbər edə bilirikmi. Dediniz ki, yox e, biz meydanlardan birbaşa hakimiyyətə gələcəyik. 8 aydır mənə qarşı vicdansız təbliğat apardınız ki, inqilab eləmək istəyirisiz, İlqar Məmmədov imkan vermir. Yaxşı, "inqilab-inqilab" deyirdiniz, 4 dəfə mitinqə qoyulan qadağa həmin o inqilabınızı haçana qədər ertələdi? Amma qapılarımız yenə də açıqdır, seçki məsələsində əməkdaşlığa hələ də tam hazıram və bir daha dəvət edirəm".