Əmək qanunvericiliyinin tələblərinin pozulmasına görə işəgötürənlərə qarşı bəzi cərimələr tətbiq ediləcək

Əmək qanunvericiliyinin tələblərinin pozulmasına görə işəgötürənlərə qarşı bəzi cərimələr şərti olaraq tətbiq ediləcək.
Bunu Dövlət Əmək Müfəttişliyi Xidmətinin rəisi Fuad Heydərov deyib.
O qeyd edib ki, artıq bununla bağlı İnzibati Xətalar Məcəlləsinə dəyişiklik təsdiq olunub.
" İşəgötürən əmək qanunvericiliyinin tələblərinin pozulması ilə əlaqədar yol verdiyi nöqsanları müəyyən edilmiş müddətdə aradan qaldırmaqla bəzi cərimələri ödəməkdən azad olacaq. Bu da mahiyyət etibarilə işəgötürənlərə müvafiq sahədə güzəştli yanaşmanın tətbiqinə, eyni zamanda əmək qanunvericiliyində nəzərdə tutulan bu və ya digər tələbləri pozduqları halda bu pozuntuları dərhal aradan qaldırmalarını stimullaşdırmağa yönəlib", - deyə o bildirib.