Conson Britaniyanın baş naziri postuna namizəd olmaqdan imtina edib

Böyük Britaniyanın keçmiş baş naziri Boris Conson Liz Trassın istefasından sonra hakim Mühafizəkarlar Partiyasının lideri və hökumət başçısı postlarına namizəd olmayacağını bildirib.
Bu barədə B.Consonun açıqlamasında qeyd olunub.
"Düşünürəm ki, Mühafizəkarlar Partiyasını 2024-cü ildə keçiriləcək [ümumi] seçkilərdə qalibiyyətə gətirmək üçün yaxşı şansım var. Böyük ehtimal var ki, Mühafizəkarlar Partiyasının üzvləri arasında [partiya] seçkilərində uğur qazanmağa və cümə günü (28 oktyabr) "Dauninq Strit"ə qayıda bilərdim . Amma son bir neçə gün ərzində təəssüf ki, bunun sadəcə olaraq düzgün olmayacağı qənaətinə gəldim", - deyə B.Conson bildirib.