Doqquz kriptovalyuta birjasının domen adı dələduzluğa görə bağlanıb

ABŞ Federal Təhqiqatlar Bürosu (FTB) və Ukrayna hüquq-mühafizə orqanları tərəfindən kibercinayətkarlara yardım etdiyi iddia olunan 9 müxtəlif kriptovalyuta birjasının domen adları bağlanıb.
Kriptovalyuta birjalarının lisenziyasız fəaliyyət göstərdiyi bildirilib. Birjalarda fırıldaqçılar və kibercinayətkarların fəaliyyət göstərdiyi qeyd edilib.
24xbtc.com, 100btc.pro, Pridechange.com, Trust-Exchange.org və Bitcoin24.exchange bağlanan internet saytları arasındadır. Açıqlamaya görə, müvafiq domen adları lisenziyalı mübadilələr üçün tələb olunan qaydaları yerinə yetirməyib.