Narkotik alverinə görə Ermənistanda bir çox yüksək vəzifəli şəxs həbs ediləcək

Istər Ermənistan Ordusunda, istərsə də siyasi dairələrdə yüksək vəzifələr tutan şəxslər arasında narkotik alveri sürtələ artıb.
“Hraparak“ nəşrinə istinadən xəbər veririk ki, Milli Təhlükəsizlik Xidmətinin direktoru Armen Abazyan parlamentdə büdcə məsələləri ilə bağlı qapalı müzakirələr zamanı bu məsələyə xüsusilə toxunub. Abazyan narkotiklərin ölkəsində sürətlə yayılmasından narahatlığını bildirib və qeyd edib ki, ölkədə narkotik vasitələrin qanunsuz dövriyyəsi ilə mübarizə kontekstində bir sıra yüksək vəzifəli məmurların həbsi gözlənilir.