Dəyərli pambıqçı fermerlər, bu gün sözüm sizədir

İbrahim Cəfərov,
Bitki Mühafizə və Texniki Bitkilər Elmi-Tədqiqat İnstitutunun direktoru,, AMEA-nın müxbir üzvi, professor

Dəyərli pambıqçı fermerlər, bu gün sözüm sizədir, artıq Bitki mühafizə və Texniki Bitkilər ETİ- nin pambıq tarlalarında məhsul toplanışına başlanılmışdır. Genetika, seleksiya, toxumçuluq və aqrotexnika şöbələrinin təcrübəaltı sahələrində seçmə formalar, xətlər üzrə məhsul bir neçə gündür ki, yığılır, lif çıxımı yüksək, xəstəlik və zərərvericilərə qarşı davamlı sortların yaradılması istiqamətində tədqiqat işləri davam edir. Yerli sortların üstünlüklərindən biri onların tez yetişməsində və oktyabr ayının sonlarına yaxın məhsul toplanışının başa çatmasıdır. Bu bizə imkan verir ki, həm də optimal müddətdə pambıqaltı torpaqlarda buğda, arpa yetişdirək, növbəli əkin yaradaq. Gəlin yerli pambıq sortlarımıza biganə qalmayaq.