Aeroport yolunda 5 nəfərin xəsarət alması ilə nəticələnən zəncirvari qəza baş verib27-05-2016, 09:44
Çap et  Bakının Sabunçu rayonunda 5 nəfərin xəsarət alması ilə nəticələnən qəza baş verib. Hadisə aeroport yolunda qeydə alınıb. Baş verən zəncirvari qəzada "Chevrolet", "Mercedes" və "Jiquli" markalı avtomobillər toqquşub. Hadisə nəticəsində 5 nəfər xəsarət alıb. Hadisə yerinə Dövlət Yol Polisinin (DYP) əməkdaşları ilə yanaşı təcili yardım briqadaları cəlb olunub. Polis aeroport yolunun bir hissəsi təhlükəsizlik məqsədilə bağlayıb. Daha sonra təcili yardım maşınları yaralıları hadisə yerindən götürərək yaxınlıqdakı 3 saylı Şəhər Klinik Xəstəxanasına çatdırıblar.Xəstəxanadan verilən məlumata görə, baş verən qəza ilə bağlı xəstəxanaya gətirilən 1967-ci il təvəllüdlü Hüseynova Leyla Teymur qızı, 1995-ci il təvəllüdlü Hüseynova Nərgiz Çingiz qızı, 1989-cu il təvəllüdlü Qocayev Bəxtiyar Süleyman oğlu, 1990-cı il təvəllüdlü Orucov Zamin Ruslan oğlu və 1989-cu il təvəllüdlü Şirinov Fuad Oqtay oğluna dərhal tibbi yardım göstərilib. Hazırda onların həyatı üçün təhlükə yoxdur. Hadisə yerində çalışan yol polisi əməkdaşlarından verilən məlumata görə, qəzaya ilkin səbəb kimi, yola dağılan avtomobil yağının səbəb olması göstərilir. Belə ki, aeroport yolunun Bülbülə kəndinə dönən hissəsində yolun sol zolağına dağılan maşın yağı nəqliyyat vasitələrinin sürüşərək zəncirvari qəza törətməsinə səbəb olub. Faktla bağlı Sabunçu Rayon Polis İdarəsində araşdırma aparılır. Reytinq:
|
Son xəbər
|
|
Xəbər lenti
10:41
Bakı Enerji Həftəsi çərçivəsində maliyyə dəyəri 8 milyard dollara yaxın olan müqavilələr imzalanıb10:40
FHN bəzi ərazilərdə gözlənilən küləkli və yağıntılı hava şəraiti ilə əlaqədar əhaliyə müraciət edib22:10
Ulu Öndər Heydər Əliyevin hakimiyyətə qayıdışından sonra müstəqilliyimizi bərpa etmək mümkün oldu12:02
Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilibHava haqqında
+10 ° C +11° +9° Bakü Cuma, 16
7 Günlük Hava Tahmini Təqvim
|
