Gəncə-Şəmkir yolunda qəza baş verib, yaralılar var

Gəncə-Şəmkir avtomobil yolunda iki nəfərin yaralanması ilə nəticələnən yol nəqliyyat qəzası baş verib. Hadisə bu gün səhər saatlarında qeydə alınıb. Samux rayon sakini, 1988-ci il təvəllüdlü İrxan Qasımov idarə etdiyi “Mercedes” markalı avtomobillə hərəkətdə olarkən idarəetməni itirib və avtomobil yolun kənarında olan ağaca çırpılıb. Qəza zamanı sürücü və Gəncə şəhər sakini, 1992-ci il təvəllüdlü Yasin Məmmədov müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib.
Faktla bağlı Gəncə şəhər Baş Polis İdarəsində araşdırma aparılır.