Baş həkim: “Böyrək xəstəliklərindən əziyyət çəkənlərin sayı artıb”

Son illər Azərbaycanda böyrək xəstəlikləri, xüsusən ana və hamilələrdə böyrək çatışmazlığı xeyli artıb.
Respublika Klinik Xəstəxananın baş həkimi Telman İbadov deyib. Baş həkim qeyd edib ki, əgər 4-5 il öncə Azərbaycanda 500 nəfər dializ müalicəsi alırdısa, bu gün onların sayı 3 mindən çoxdur.
Onun sözlərinə görə, hazırda Respublika Klinik Xəstəxanada 130 nəfər dializ xəstəsi qeydiyyatdadır. T. İbadov vurğulayıb ki, il ərzində xəstəxanaya ən çox ürək-damar, mədə, böyrək xəstəlikləri ilə bağlı müraciətlər daxil olur.
Baş həkim onu da bildirib ki, xəstəxanada ölüm faizi çox aşağıdır: “Hər 1000 xəstəyə 4 ölüm düşür ki, bu da inkişaf etmiş Avropa ölkələri səviyyəsindədir”.