Heqiqet.Az » hadise » Dələduzluqda təqsirləndirilən şəxs məhkəmə zalından azadlığa buraxılıb


Dələduzluqda təqsirləndirilən şəxs məhkəmə zalından azadlığa buraxılıb

14-10-2016, 16:53
Çap et
Dələduzluqda təqsirləndirilən şəxs məhkəmə zalından azadlığa buraxılıb Bu gün Bakı Ağır Cinayətlər Məhkəməsində dələduzluqda təqsirləndirilən Loğman Cəfərov və Murad Quliyevin cinayət işi üzrə məhkəmə prosesi başa çatıb.
Hakim Azər Orucovun sədrliyi ilə keçirilən prosesdə hökm oxunub.
Hökmə əsasən Loğman Cəfərov 4 il 7 ay müddətinə azadlıqdan məhrum edilib.
Murad Quliyev isə 2 il sınaq müddəti olaraq 4 il müddətinə şərti azadlıqdan məhrum edilib.
O, məhkəmə zalından azadlığa buraxılıb.
Qeyd edək ki, təqsirləndirilən şəxslər müxtəlif şəxslərin etimadını qazanaraq 9 min manatlıq dələduzluq ediblər, zərərçəkənlərin şikayəti əsasında Binəqədi rayon Polis İdarəsinin əməkdaşları tərəfindən tutulub. Onlara Cinayət Məcəlləsinin 178.3.2( külli miqdarda dələduzluq) maddəsi üzrə ittiham irəli sürülüb. Məhkəmə istintaqı dövründə dəymiş ziyan ödənilib.
Reytinq: