Çavuşoğlu Ukraynaya getmədi

Türkiyənin xarici işlər naziri Mövlud Çavuşoğlu Ukraynaya nəzərdə tutulan səfərini ləğv edib.
Bu barədə Türkiyə XİN-dən bildirilib.
“Türkiyə XİN rəhbəri Ankarada Rusiya səfirinin öldürülməsi ilə əlaqədar 20-21 dekabr tarixlərində Ukraynaya nəzərdə tutulan səfərini ləğv edib”, - deyə məlumatda vurğulanıb.
Hazırda Çavuşoğlu Moskvada rəsmi səfərdədir. O, səfər zamanı rusiyalı həmkarı Sergey Lavrovla görüşüb.
Qeyd edək ki, ötən gün Ankarada Rusiyanın Türkiyədəki səfiri Andrey Karlov güllələnərək öldürülüb. Hadisəni 1994-cü il təvəllüdlü polis əməkdaşı Mövlud Mərd Altıntaş törədib. O, öldürülüb.