Filippində silsilə partlayışlar - 33 yaralı

Ötən axşam Filippində silsilə partlayışlar törədilib.
Dekabrın 28-də axşam saatlarında Filippində törədilən partlayışlar nəticəsində azı 33 nəfər yaralanıb.
Partlayışlardan biri Leyte adasındakı İlongos şəhərində keçirilən boks matçı zamanı baş verib. İki bombanın partlaması nəticəsində 27 nəfər xəsarət alıb. Bu şəhərdə partlamayan üçüncü bomba isə polis tərəfindən zərərsizləşdirilib. Hadisədən 1 saat sonra Mindanao adasında avtomagistrala quraşdırılan bombanın işə düşməsi nəticəsində 6 nəfər yaralanıb.
Filippin polisi son günlər bu ölkədə baş verən ardıcıl partlayışlar arasında əlaqənin olub-olmamasını araşdırır.