Səfir maşında yanaraq ölüb

Braziliyada itkin düşən Yunanıstanın səfiri Kiriakos Amiridisin meyiti yanmış avtomobildə tapılıb.
Avtomobil Nova-İquasu bələdiyyəsində aşkar edilib.
Qeyd edək ki, ötən gün Yunanıstanın Braziliyadakı səfiri Kiriakos Amiridisin Rio-de-Janeyroda itkin düşməsi haqda məlumat yayılmışdı.
Səfir sonuncu dəfə həftənin bazar ertəsi görünüb. Həmin vaxtdan sonra xəbər tutmaq mümkün olmayıb. Səfirin harada olması barədə hər hansı açıqlama verilməyib.
Yunanıstanın Braziliyadakı səfirliyi paytaxtı Braziliada yerləşir. Səfir isə Rio-de-Janeyroya yeni il tətilini keçirməyə gedib.