Şəhid Çingiz Qurbanova Milli Qəhrəman adı verildi

Prezident İlham Əliyev nəşi bir neçə gün əvvəl ermənilərdən alınan Azərbaycan hərbçisi Çingiz Salman oğlu Qurbanova “Azərbaycanın Milli Qəhrəmanı” adı verilməsi barədə sərəncam imzalayıb.
Sərəncama əsasən, Azərbaycan Respublikasının ərazi bütövlüyünün qorunub saxlanılmasında xüsusi xidmətlərinə və döyüş tapşırığını yerinə yetirərkən göstərdiyi şəxsi igidliyə görə əsgər Çingiz Salman oğlu Qurbanova “Azərbaycanın Milli Qəhrəmanı” adı verilir (ölümündən sonra).