Dərbənddə atışma zamanı iki polis əməkdaşı yaralanıb

Dağıstanda silahlı cinayətkarın onu təqib edən polis əməkdaşlarına atəş açması nəticəsində iki asayiş keşikçisi yaralanıb.
Bu barədə Dağıstan DİN-in mətbuat xidmətindən bildirilib.
“İlkin məlumata görə, Dərbənd şəhərində polis əməkdaşları cinayətkarı təqib edərkən, sonuncu avtomobildən atəş açıb, nəticədə iki polis yaralanıb”, - deyə qurumdan bildirilib.
İnsidentin təfərrüatları aydınlaşdırılır.