Yəməndə terror aktı nəticəsində ölənlərin sayı 70-i ötüb

Yəmənin Ədən şəhərində törədilən terror aktı nəticəsində ölənlərin sayı 70-i ötüb.
Ədəndə terrorçu-kamikadze minalanmış avtomobili partladıb. Hücuma görə məsuliyyəti İŞİD terror qruplaşması öz üzərinə götürüb.
Yəməndə üsyançı husilər və Səudiyyə Ərəbistanının rəhbərlik etdiyi koalisiyanın dəstəklədiyi hazırkı prezident Abd Rabbu Mənsur Hadiyə tabe olan qoşunlar arasında münaqişə 2014-cü idən davam edir. Səudiyyə Ərəbistanın rəhbərliyi altında ərəb koalisiyası 2015-ci il, martın 26-dan Yəməndə üsyançı husilərin nəzarəti altında olan ərazilərə hava zərbələri endirir.