Sumqayıtda dələduzluq edən yeniyetmələr tutuldu

Sumqayıtda iki nəfəri bıçaqla hədələyib mobil telefon və pulqabını quldurluq yolu ilə almaqda şübhəli bilinən şəxslər tutulublar.
Daxili İşlər Nazirliyinin məlumatına görə, Sumqayıt ŞPİ 4-cü PB əməkdaşlarının keçirdikləri əməliyyat-axtarış tədbirləri nəticəsində avqustun 7-də və 9-da O.Əlizadəni və İ.Kərimovu bıçaqla hədələyib mobil telefon və içərisində 200 manat olan pulqabını quldurluq yolu ilə almaqda şübhəli bilinən Sumqayıt şəhər sakinləri Gülməmməd Hüseynov, Vasif Hacıyev və 2 yeniyetmə tutulublar.