Paytaxtda yaşayış binasında yanğın - 34 nəfər təxliyə edilib

Paytaxtda yaşayış binasında yanğın olub, 34 nəfər təxliyə edilib.
Fövqəladə Hallar Nazirliyindən verilən məlumata görə, Bakı şəhəri, Yasamal rayonu, Şərifzadə 196 ünvanda 17 mərtəbəli yaşayış binanın 1-ci mərtəbəsindən 13-cü mərtəbəsinədək şaxtadan keçən elektrik kabelləri 50 p.m yanıb.
Yanğın zamanı tüstülənmiş mənzillərdən 34 nəfər təxliyə edilib. Təxliyə edilən şəxslərdən ikisi tüstüdən zəhərlənmiş halda xəstəxanaya aparılıb.
Yanğın yanğın bölmələri tərəfindən söndürülüb.