İş düzəldən dələduza 10 İL HƏBS

Bu gün Bakı Ağır Cinayətlər Məhkəməsində dələduzluqda təqsirləndirilən Natiq Bayramovun cinayət işi üzrə məhkəmə prosesi başa çatıb.
Heqiqet.az-ın Lent.az-a istinadən məlumatına görə, keçirilən prosesdə hökm oxunub. Hakimlər kollegiyasının qərarı ilə N. Bayramov 10 il müddətinə azadlıqdan məhrum edilib.
Qeyd edək ki, N. Bayramov Bakıda bir neçə şəxsin etibarı ilə sui-istifadə edərək işə düzəltmək adı ilə vətəndaşlardan pul alaraq, onları aldadıb. Zərərçəkmişlərin polisə şikayətindən sonra o, saxlanılıb.
N. Bayramov Cinayət Məcəlləsinin 178.3.2i ( külli-miqdarda dələduzluq) maddəsinə əsasən ittiham edilir.