"Monako"dan ayrılmaq istəyən Mbappe heyətdən kənarlaşdırıldı

"Monako"nun baş məşqçisi Leonardo Yardim komandanın gənc futbolçusu Kilian Mbappeni cəzalandırıb.
Təcrübəli mütəxəssis klubdan ayrılmaq istəyən gənc futbolçunu Liqa 1-in ikinci turu çərçivəsində "Mets"ə qarşı səfərdə baş tutacaq matçın heyətinə daxil etməyib. Yardim 18 yaşlı hücumçunu ötən həftə "Dijon"la oyunun heyətinə də daxil etməmişdi.
Qeyd edək ki, "Monako"nun heyətində ötən mövsüm meydana çıxdığı 46 matçda 28 qol və 8 məhsuldar ötürmə ilə yadda qalan Mbappe "Barselona" və PSJ-nin transfer hədəfindədi.